LUMALANGYAW

Adunahan, hamugaway ug haruhay. Dili nato maisalikway ang kamatuoran na mao kini ang pagtuo sa kadaghanan kung ang isa ka lumolupyo sa Pilipinas maglangyaw sa laing kanasuran.  Pagpananglit man lang tingali ni nila, pero dili nako masulti na usa ka gatus sila nga sayop o husto. Bisan pa niana, naay usa ka butang nga sigurado gayud ako: dili lalim ang mahimong lumalangyaw sa usa ka nasud na lahi ang pinulongan, ang kinabuhi layo ra sa atong hibangkaagan, ang pagkaon dili nimo masabtan ug ang mga tawo unya nalang nato hisgutan, para lang mangita ug kaayohan. Kay wala man ko nasayud unsa ang tinuod na kahimtang sa uban na lumalangyaw, ako nalang kaugalingong sugilanon dire sa dapit na ginatawag ug Saudi Arabia ang akong i-ambit kaninyo mga higala nako na garbuso  sa atong lahi na Cebuano.

“Nganong naa man ka dinha sa Saudi Arabia Chang?” “Dili gubot dinha?” “Hala, hastang inita siguro diha sa Saudi noh?” “Dili hadlok diha?” “Wala na diay ka sa Amerika?” Mao ni ang kasagarang pangutana sa mga tawo na makahibalo sa akong nahimutangan ug ginatrabahoan niining panahona! Usahay bitaw, makahunahuna ko kung ngano sa tanang dapit… Saudi Arabia gyud ang akong napili na langyawan? Pero ngano gud nga dili??? Bisag daghan nga dili maayong balita bahin ani nga lugar, daghan man pud intawon ug kaayohan dire na akong nabatyagan ug nasinatian. Pero dili nako malalis na katong wala pa ko dinhi, nagduhaduha dyud ko kung moanhi ba ko o dili. Nagapasalamat ko sa akong inahan nga gi-impluwensyahan ko niya na maglangyaw aning dapita kay sa tinuod lang… naa gyud dire ang kwarta bai ba! Hahaha Isa pud sa dakong rason nganong ningsugot ko na manimpalad dire kay naa man Simbahan gihapon si Kristo dinhi.

Para sa mga hubo sa kaalam, ang Saudi Arabia kay adunay duha ka klima: ang tingtugnaw ug ting-init! Oo, tinuod kini! Abi ninyo na ting-init lang gyud ang klima dire? Dili intawon! Sa panahon na tingtugnaw, hasta jud kaayong bugnawa. Murag naa lang ka sa sulod sa pridyidir ba! Ang baba nimo mag-aso ug ang imong panit kay mag-uga sa katugnaw. Ang pagsuroy-suroy sa gawas dili nako makaya… Mao nay giingon na maayo pay magpuyo ka! Pero mas grabe gyud kung ting-init! Kaila ka ug murag naa ka sa impyerno? AY! Wala pa man diay ko kaadto didto… Hoy, simbako ka! Hahahah Ang akong pasabot, mura gyud ka ug gisugba sa kainit ba! Hahaha Wala ko namakak! Lingaw man gihapon kay unsa pa ping? Libre kaayo ang aircon!

Karon, tugoti ko ninyo na atong pagahisgutan kung unsa ba gayud ang anaa sa Saudi Arabia. Ayaw mo ug kabalaka kay mao man pud na akong pangutana kaniadtong naa pa ko sa atong nasud na hinigugma. Desyerto, kamelyo, balas ug makakahadlok na mga tawo mao gyud ni ang mosulod dayon sa akong utok kung panaghisgutan ang dapit sa mga Arabo. Tagna lagi ko! Mao pud imong hunahuna no? Wala man mo nasayop, apan dili lang puro desyerto ang naa dire bai! Tuig 2007, una nako nasinati ang kaanyag ani nga lugar. Pagnaug palang nako sa eroplano, nakuratan ko kay mali man diay akong pagtuo! Ang ilang eyrport kay hastang ninduta. Kung sa iningles pa, Hi-tech kaayo ba! Naignorante gud ko ug kadali! Kahayag! Kadako! Mao ni akong maitubag dayon kung ako pangutan-on! Ang ilang dalan kay sakto sa upat or labaw pa na mga sakyanan sa kadako ug puno kini og mga suga. Dugangan pa nimo ug matahum na mga bulak ug kahoy nga anaa sa daplin sa dalan. Ang mga dakbalay ug katukoran dili gyud mabangbang. Hastang kanindot nalang! Nakaingon gud ko na… “kadatu nalang aning lugara!” Gipadal-an dayon nako ug mensahe ang akong inahan kay gusto nako makahibalo sya unsa ko ka mapasalamaton nga iya kung gipugos na dire nalang maglangyaw para makatigum alang sa among kaugmaon.

Kabalo mo? Ang akong gipuy-an kay libre sa tanan, dili lang ang pagkaon!
Kompleto sa tanan: microwave, gas range, pridyidir, aircon, sala set, tv, ug uban pa. Ang higdaanan kay kutson. Dili lang balay na mura ug condo ang libre sa amo, maingon man usab ang sakyanan. Ug sa sulod sa among lunangan, anaay swimming pool, tennis court, basketball court ug gym! Idugang pa nato na dire nga dapit, wala sila ginatawag na buwis! Hastang lamia diba?

Apan, naay ginaingon na dili gyud ihatag sa imo ang tanan! Sa katibuak-an ninyong pagtuo sa Saudi Arabia, isa lang gyud ang dili nako malalis, makalingaw man gayud ang itsura sa mga tao dire labaw na kung nagsuot na sila sa ilang naandan na saput. Dili lang sanina ang makalisang, pati baho! Ang naandan na saplot dire sa mga lalake kay thobe ug guthra samtang sa mga babae kay ginatawag ug Abaya. Ang Thobe kay bestida ni sya
nga puti o itum. Ginasuot ni sya sa mga lalake dire nga arabo kay kung dili, kasab-an man sila dire sa Mutawa. Puti ang sul-ubon nila kung ting-init ug itum kung tingtugnaw. Pero gusto nakong klarohon nga ang mga lumalangyaw, dili kinahanglan magsuot ani. Basig makalimtan nako, ang guthra kay mao na ang headscarf (ambot nalang unsay bisaya ana!) hahahaha Lantawa nalang ang paghulagway! Mao na sya si “Sheik Ali Evan Roy Bin John Deloy Glassett” suot ang iyang Thobe ug Guthra! Pero klarohon lang nato ni Bai, kanang tawo sa picture kay HUMOT na sya kay dili man na Arabo… Amerikano man na nga nalipay lang makasuot ug saplot sa mga Arabo! LOL



Sama sa akong giingon, ang babae nagasuot gayud ug ABAYA! Itom ni sya nga bestida lampas sa tuod ang hitas-on. Tanan, lumalangayaw man o lumad, kinahanglan gyud magsuot niini kay kung dili good luck nalang sa imoha! Hahahaha Ang mga lumad na babae dinhia, usahay wala na kay makit-an… mura lang sila ug aswang na naglutaw sa kadalanan… ginatakluban nila ang tanan apil ang nawong, kamot ug tiil manang! Kahadlok nalang…:D Pero sa tinuod lang kaanyag nalang gyud sa ilang mga babaye dinhia.

Ang baho bow! Kung inyong ipasaysay sa akoa unsa gyud kabaho ning mga tawhana, cge ako mong estoryahan sa akong ngilngig na nasinatian dinhing lugara! Magsugod ta sa BABA… ang kabaho niini maikompara nato sa hugaw nga imburnal o di ba ka ha kanang baho sa baba sa bag-ong matang hubog na wala pa nagsipilyo! Hahaha  Ambot pud uroy nganong musulod lang sila sa trabaho nga wala man lang gani nagmumog. Usahay naka- suit and tie pa, pero dili madala sa porma porma lang oi! Hehehe Isunod nato ang baho sa kili-kili. Hunahunaa ang sibuyas Bombay na gisulod sa silupin ug pila ka simana, pagkahuman abre dayon ug pinakalit! Tan-awon nato daw kung dili ka malipong ana! Sulayi dayon para masabtan nimo akong pasabot! Wahahahaha Ug ang ulahi natong panaghisgutan kay ang tiil! Kasukaon na kaayo ko ba! Ang baho sa ilang tiil maikompara nato sa napan-os na kan-on nga adunay ulod nga gibuot ug pila ka-simana. Abrehi ang maong kan-on ug simhuta… mao na sya!  Kay naa man dire ang among panginabuhian ug maayong kaugmaon, angayan lang nga kami mag-antos sa kabaho kay ang resulta man ani maayong kahimtang sa kinabuhi intawon.

Makaingon ko nga sagul kalipay ug kagul-anan ang among nasinatian dinhi sa Saudi Arabia. Apan, wala gayud ako nagmahay kay naa man dire ang kinabuhing hayahay. Nakaadto ko sa ubang nasud na libre pa bai… Mao, makaingon gayud ko na hasta nakong swerteha aning lugara! Ug sa mga nag-guol sa kagubot kuno dinhing dapita, hasta intawong kamingaw dinhia. Murag dili man sila maka-palag sa hari… Busa, nganong Saudi Arabia? Karon kabalo na ka!

Murag klaro na kaayo sa tb tb ba nga anaa pa mi pila ka tuig na mahimong LUMALANGYAW dire sa Saudi Arabia… unya unsa man? Hangtud sa sunod nalang! estoryahe ko Bai!!!!

 

Isa sa mga nindot suroyan sa Saudi Arabia

 

 

 

26 responses to “LUMALANGYAW

  1. hahahhahahahaha…………….aguy mau ni ako ganahan wah pa naku mahuman ug basa sige nakug katawa kay dili naku makaya imung Powers!!!Chang ka laglum sa imung mga binisaya avid Fan gyud ko nimu ini…mag hi mu Blog Ilong guhun naku heheheeh sagulan pud binisaya..heheheh lingaw kaayu ko chang..Tym pa magluto sa ko daan ug panihapun arun lingkura ko neh imung binisaya nga Blog..Model pa gyud nimu si Evan sa Thobe..mag nosebleed gyud ka ana ug bad2x niya kung unsa na imung gipanulti bahin niya hahahaha..ma englis ma binisaya asta man ka hawud oi..magluto sa ko balikan ko ni unya promise kay sige kug katawa sa mga binisaya Charissa hehheheehehehhehe ipadayu gyud ni hah!!!hehehehhe

    • Ate Len,

      gusto nako mabasahan nimo tong part na unsay baho sa mga arabo! maka-relate ka! hhahahahah oo… nananghid man ko kay Evan na sya akong model sa thobe ug guthra… wahahahahha cge te oi! unya na tiwasa ug basa!

  2. he he he..dako kaau ang ako kalipay nga daghan ang mga tawo nga padayon nga nahimong hulagway sa garbo sa mga nagagamit sa lunsay nga binisaya nga pulong..bisan pa niini..ang maong mga pulong nagamit sa manunulat niining maong sugilanon, sa akong
    obserbasyon dili taga cebu kay bisan sa mga komentaryo sa uban nga lalom daw ang mga pulong apan alang knako mga layman lamang kini. sa ppila nko katuig nga paglibotlibot sa visayas ug pila ka mga lumad nga cebuano nga akong nahimamat dako ug,kalahian mga halalom nga pinulungan.sa unang bahin plang sa mga sugilanon misantok na sa akong panabutan bisan dili ingun ana kalantip, wala ko mahikurat sa maong mga pulong.Daghan sa akong mga nahimong higala nga lumad nga cebuano nga kung sa higayon cla magapamulong ilabi na sa ibabaw sa intablado, halos dili matugkad
    ang gilamnon niini .Apan bisan pa nianing mga rason, dako akong garbo nga ang maong manunulat usa s mga pipila nga angayan nakong pasalamatan tungod nga wala nila hikalimti ang ilang gigikanan ug ang pulong nga ilang gi dak an….

    salamat kanimo higala nga padayon mong gipasigarbo ang atong lumad nga pinulangan

    ANG DIYOS PADAYON NGA MAGAUBAN KANIMO

  3. @Jedd: salamat sa imong komento! sakto jud kaayo ka! hahaha dili gyud taga-cebu…. wala gani nako damha na makasugakod ko sa pagsulat ug binisaya! hahahaha

    Dili naku hikalimtan ang akong pinulongan! garbu nako kini!🙂

    Daghang salamat ug padayon ta sa pag-uswag! hahaha

  4. yay daghana diay nkog sayop sa akong paghuna huna sa lugar na saudi arabia no…og sa dihang gusto na noon ko muanha diha..haha…
    og mag gas mask lang ko,,haha..
    bilib na jud ko nimo chang kayang kaya jud nimo e express imng gibati sa bisag unya na lingwahe..wew…two thumbs up!!!!

    • She! dili man kaayo ko hawod sa bisaya oi! hahaha murag dugay naman gud ko nawala sa davao…. human ang akong ka-storya kay puro pa jud mga tagalog ug english… dugay nako ni nahuman na entry oi! dili pareho kung English lang… hahahahaha ‘

      salamat sa pagbasa She… hangtud sa sunod! see you soon! mwah

  5. Hi Chang…

    Di tiaw mag-Bisaya no?
    Bisan ako nga mao na ang akoang nahimong kinabuhi sud sa pila ka tuig, naa pa gihapo’y mga pulong nga di ko masabtan o matugkad. Kay imo mang gisugdan, nan, atoang hisgutan. Nalipay ako og dako tungod kay imong nahuna-hunaan ang mosuwat og lindog nga ingon niini diin mopakita sa dakong garbo sa atoang pagka-Bisaya.

    Good luck sa sunod nimong lindog ug manghinaut ko nga mas labaw mo pang pakusgan ang imong kaalam sa pulong nga Bisaya! Yeahbah!

    • weeehhh… July, lisod kaayo!!!! MAs taas nga oras ang akong gigahin kaysa magsulat ug English post!

      Help me unsay mali nako para ma-correct nako… unsay lindog???😀

      Thanks july… LEt me know how to improve pa akong bisaya!

  6. Grabe gyud naku ka bilib sa imung mga pulong Chang asta ko na mag isa pa ka tuig dire sa Saudi, nalamdagan sa mga butang nga wah pa naku nahibaw an…Sama sa ang thobe nga itum diay mau ni isuot sa mga laki kung ting tugnaw ug ang puti sa tig init..Nganung kita nga mga nag abaya, kung sa panahon sa tag init mag itum man gihapon..Aw sabagay lain pud tingali kung puti ang atung abaya.. mahimo natang mga gwapang white lady hehehhehe…

    Ang atung binisaya binisaya gyud sa mga taga davao kay ang binisaya sa mga taga Cebu lag lum gyud kaayu sama sa commento ni Bai Jedd na asta ka lalum..Ako una dili pud gyud ko ganahan dire mau na sauna mag bakasyon rami dire….mabuang man ko permero kay ang shopping time nila alas 4 sa hapon hangtud 11ra sa Gabii dili gyud ta kapa tuyang…..tama gyud ka Chang ang unang mabutang sa huna huna sa tawo pag mu ingun ka mu langyaw ka sa “SAUDI” isa lang ang mabutang sa ilang Huna-huna “aguy kahadlok anang lugara nganung Saudi paman….Mau na akung Bana dili gyud niya ikambyu ang saudi sa ibang lugar bisan sa Amerika pa…kay matud pa niya kung mahimu man lang siyang Waiter pag adtu niya sa samtang dire hayahay pa sa pulis ang kahimtang..No. 1 gyud ang Saudi niya…Weather2x lang pud gyud dire ang uban lisud pud ang mga trabaho gagmay pa ug sweldo..pero daku kaayu atung pasalamat sa Ginoo kay isa ta sa mga na blessed niya nga gi taga-an ug maayung pangita,maayung sweldo libre tanan apil ang asawa ug mga anak kada tuig bakasyon ang kompanya ang bahala sa tanan..TUmpak gyud ka Chang dire bisan murag naa ta sa oven kung summer tym sa gawas pero dili sa sulod sa balay 24/7 man pud ang aircon ug libre tanan….asa pana nimu na pangita-un, asta atung pinuy anan libre ug sa Condo pa gyud..(dire ang term nila Flat )…Only in Saudi rani ug labaw sa tanan walay buwis tanang palalitun ug labaw na ang kita kada bulan Neto gyd na madawat….pasagdihin nalang ng mga “baho: diha kay agi raman nah utong lang sa ta dili lang ta muginhawa kung mu duol sila natu..hahahaahhahahah……ang mga ninja permero hadlukan ko nila mu tan aw…ang abaya pud sa permero dili gyud ko ganahan kay “badoy” ang akung pag tan aw..pero sa akung kadugayun dire sa “Saudi” gi dayg na naku ang abaya..kay bisan pambalay lang isul ob sa sulod fights wa nay daghang arte…bisan silhig nalang kulang mahimo tang witch…pero nagustuhan na naku ang ABALA aw abaya diay hehehhee…

    Mau na ako proud( unsa mana sa binisaya oi) kaayo ko Chang nga dia ta sa Saudi..ug nag sugat ang atung mga dalan..para pud inatawun ma praktis naku ang akung Lingauhe nga natawhan..ug daku akung pasalamat kay nag ka ila ta Chang nga parehong taga Digos..lipay kaayu ku pag mastoryahanay tag binisaya kay akung paminaw naa ko sa akung Yutang Natawhan..Aguy gi ganahan naman noon ko mura naman noon nig Blog..salamat Chang sa higayun nga gi pa ambit nimu nako…arun akung malituk pina agi sa pag commento sa imung binisaya na Blog hulatun gud naku ang sunod..censya taas kaayu kung Comment pa ba ni???hehehehheehhe ang nag pa abot ang imung silingan..hehheheheheeh

    • Ate,

      Salamat kaayo sa dugang nimo nga impormasyon about sa SAudi Arabia… wala nako maisip na! wahahahahhaha Gnahan ko sa imong comment te kay very informative as in! DAghan maton-an ang mga readers na wala nasayud unsa ang SAudi Arabia! hehehe Thanks

    • Naa pa diay ko idugang, salamat kay isa ka sa nagapanindot sa SAudi para sa akoa… lisod man pud dire kung wala kay mga higala diba? thank you silingan!!!!! mwah

  7. Ug mao man pod ang akong pagkahibalo anang nasura ate chang. Sa akong pagkabasa karon dili diay tanan nga imong madungog tinood, apan dako diay sila ug sayop.

    Daghang salamat sa imong higayon diin imo kining gihimo uban sa imong malipayong kasingkasing, kini makatabang usab alang sa atong kaubanan nga pinoy nga wala pa nakalangyaw anang nasura. Wala nay maka pangutana pa nganong anaa ka dinha ate chang, ug syaro pod wala sila kasabot nga bisaya na jud ini. hehehhe:)

    Daghang Salamat!
    Gikan sa imong higala

    ~Rizza

    • Rizza, akong supportive na higala…

      Daghang salamat sa oras na imong gigahin para magbasa aning saysay nako mahitungod sa Saudi Arabia….
      Hangtud sa sunod akong Amiga… mwah

  8. @len: daghan salamat higala sa maong komentaryo.. bisan pa niana garbo kong isibya sa kadaghanan nga ako lumad nga dabawenyo. nahitabo lamang ppila ka tuig ako nga nanimuyo sa visayas tungod ug alang sa katumanan sa akong mga damgo nga makabaton
    og kaharuhay ang akong kanhiay nga naglagitom sa kangitngit panginabuhi.nga unta moabot adlaw nga pagasugdan kini sa kadan ag sa buntag nga diin ang matag luha u gmga singot nga akong gipuhunan aron lamang kab uton ang mga butang nga sa kanhiay bunga lamang sa akong pagkahinanok…mga kalisdanan diin ppla ka higayun na nakong nahisukamuran ug gitindugan pagbalik ..diin ang mga susama akong paningkamutan ug tim os nga gipangaliyupo sa DIOS nga dili
    kahiaguman sa akong mga anak.
    Akong pagayukbiton sa pagbalik nga bisan hataas nga panahon akong nanimuyo sa halayong lugar,
    garbo kong ikasibya nga ang akong gigikanan usa ka maanindot gipakaparaisong siudad sa habagatan…..
    USWAG DABAW..KANUNAY LAMING MAGPALUYO SA IMONG KAUSWAGAN

  9. usa sa akong mga panulat : palihog basaha
    (for more check http://lexuszeus.blog.friendster.com/)

    UNTA IKAW
    Ang mga nananglabay nga mga panahon
    mao’y haligi sa pagpakabuhi karon
    kay sa paglatagaw ning mangiub nga kalibutan
    salamin ang mga matam-is ug mangitngit nga kagahapon

    sakit ug hapdos ang samad nga pagahandumon
    sa inanay kini sa kinauyukan pagakukuton
    ugaling ayaw kalimot sa paghandom kay
    sa lumalabay ang dughang samaran sa panahon pagaalimon

    Gani kanako ang tanan dili na unta madawat pa
    sa kanhiay ang kasing kasing ko tinabilan na
    kay sa mga pipilang binuhat nga tampalasan
    kining dughan tinamay ug dinagmalan

    apan ang tanan milurang sa takulahaw
    sa wala ko damha ang manolondaon mong pagpatim-aw
    sa pagbalik kining kasingkasing giduhigan
    nga sa inanay sa bul-og sa gugma gikahubsan

    wala na siguro akoy pagahangyuon pa sa kahitas-an
    bisan kining gugma baghuay pa lang
    ang tanan sa kinabuhi lumalabay man
    sa akong pagpanaw “UNTA IKAW” ang
    ikauban sa akong pagtaliwan

    • Good one Jedd!🙂

      I’ve learned that more than the language, it is the lesson or the thought that you want to convey that matters most when blogging! LEt’s all keep blogging with an aim to somehow touch the lives of others and perhaps to also learn from them through their comments…

      Thanks for your comments and for sharing your own master pieces….🙂 Sorry, dili kaayo ko kasugakod ug dugay sa bisaya…. hahahha There are some words i totally never heard of ever in my life… I’m learning from you though… Thank you ulit!!!!!! Way to go and cheers!!!!!!!!😀

  10. @chazm: Thanks for the compliment..sa usob..gipasidungan tika sa maong panulat..I really appreciate and admire ur piece. Ur right its not about the words u used but more than that..Its the way how we express our interest and somehow impart lessons to others while they are reading the piece..” EVERY WRITER HAS ITS POETIC LICENSE ” of which not even the grammarian can question…salamat sa usob..amping sa kanunay ug ang DIOS kanunay nga magauban kanimo…

  11. maka-relate jud ko chang…sa mga baho, sa lugar, pareho ra jud dnhi sa kuwait…kabalo man pud diay ka bisaya og laglom, nkatawa ko…magkasinabot jud diay mo sako bana…hehehehe

    amping dinha amiga🙂 God bless always…

    • hahaha…. oo oi! kabalo kaayo magbisaya… pero dili lang kaayo hawud…

      Feeling nako pareho lang… basta naa sa gitnang silangan! char! tagalog! hahahaha

      Amping sad kanunay miga!

  12. Chang, Salamat iining blog nimo nga cebuano. Laglum ang mga pinulungan nimo sama sa malalum nga kabugwakan ug halapad kapasigan sa Tuban ang imong naidalit na kaalam mahitungod sa nasud nga imong gitungtungan ang Saudi Arabia. Ang kaalam nga among nakutlo subay kana sa imong nasinatian diha, apan ana lang koy napansin nga maingun nako nga negatibo nga paghulagway nimo sa ilang personal hygiene sa mga Arabo diha.

    Ako ray nahadlok chang basi naay mga Arabo nga makabasa ug makasabot niining blog nga imong gibuhat. Basi ila kaning ikonsedera nga pag-ataki sa ilahang kultura. Kay basi sa akong mga nabasahan niining blog nga imong gihimo mahitungud sa Saudi Arabia aduhay portion didto nga medyo pangit paminawon. Kabalo ko gisaysay lang nimo ang kamatouran kay mao man na imong nasinatian diha. Pero chang, gibati ko ug kahadlok para sa imuha. Mao lagi to akong giingun basi adunay Arabo nga makabasa ug makasabot niining imong blog basi mag-over react sila.

    God Bless Chang!

    • Hi wing!

      Salamat sa imong komento!

      Mas maayo masabtan nila gamay na dili lalim gyud ang murag malipong sa kabaho… pero maliban ana…. nindot ang SAudi Arabia!🙂

Your opinion matters; Name & Comment will do

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s